Darba kien hemm qattus jismu Fufu. Fufu kien qattus imqareb u storbjuż. Darba fost l-oħrajn, gieh f’moħħu li jagħmel waħda minn tiegħu. Il-mama’ kienet għadha kif għamlet xirja ħut minn Marsaxlokk u kienet nefqet ħafna flus. Kienet strat mal-ħamsin ewro ħut. Kellha lampuki, awrat, salamun, qarnita u fanfri. Fufu xamm ir-riħa tal-ħut u tilef rasu. Il-mama’ kienet ħalliet il-ħut fuq il-mejda tal-kċina sakemm marret tixtri ftit ħobż. Kif seta’ Fufu ma’ jattakkax dak il-ħut kollu? Qabeż fuq il-mejda u għamel festa! Fi ftit minuti kull ma ħalla ftit xewk u rjus tal-ħut u żaqqu kienet saret qisha tambur tal-banda! Tistgħu taħsbu x’għamlet il-mama’. Kemm werżqet u ġriet wara Fufu bl-ixkupa! Il-povru qattus qala’ għajta kbira u għamel tlett ijiem ma jiekol l-ikel favorit tiegħu. Wara din il-bawxata, Fufu qatt aktar ma għamel praspura oħra. Issa naraw kemm se jżommha!
Martina Treeby
Yr 3.1
No comments:
Post a Comment